上星期揭雜誌,喺分類廣告比'DORAEMON THEME WORLD'幾個字吸引,睇落去 - The first theme park in china devoted to Doraemon...Jul 14 - 29, 10am - 7pm. East Asia Exhibition Hall...就係呢段唔起眼嘅分類小廣告,我興奮左一個星期...

21号,我哋去到"東亞展覽館",見到門口嘅吹氣叮噹(差唔多4米高)嘅時候,2個人嘅情緒己經高漲至極 - 忙拍照忙買票,我都無為意,其實"東亞展覽館"同石硤尾社區中心又或者慈雲山社區中心冇乜分別...

買完每人50元嘅票又查完票,正式入主題樂園前有一個換代幣嘅櫃台,一位笨拙,態度又惡劣嘅胖少女(工作人員)強廹我哋交出印刷得很精美的門票以換取代幣(之前己經有一位員工撕走入塲卷嗰部份),我哋因為好想要張飛而又唔打算玩遊戲,所以拒絕就範,爭吵中,另一位態度友善又漂亮嘅工作人員睇唔過眼,出嚟拉開胖少女,而我哋終於可以唔需要被強廹換代幣,又可以keep住張飛...嗰位笨拙嘅員工,之所以一定要收我哋張飛係想杜絕一切炒黃牛飛嘅可能!不過問題係,一個入場前喺入口買飛,而又不設入場人數上限嘅活動,眞係會有人買黃牛飛??